पनवेल, दि.26 (वार्ताहर) ः गेल्या काही दिवसापासून तालुक्यातील भोकरपाडा गावात बिबट्याचा वावर आढळून आल्याने परिसरात बिबट्याची दहशत निर्माण झाली आहे. गेल्या चार दिवसांपासून हा बिबट्या या परिसरात वावरत असलेल्या बिबट्याचे ग्रामस्थाचे म्हणणे आहे. तसेच या परिसरातील दोन कुत्री देखील खाल्याचे समोर आली आहे. तरी या संदर्भात वनविभागाने दखल घेवून त्याला जेरबंद करावे अशी ग्रामस्थांची मागणी आहे.
तालुक्यातील भोकरपाडा आणि मोह गावाच्या मध्यभागी वन विभागाच्या असलेल्या वन परिक्षेत्रात असलेल्या ग्रामीण भागात गेल्या चार दिवसां पासून बिबट्या वावरत, असल्याचे घटनेने ग्रामस्थांमध्ये भीतीचे वातावरण पसरलेले आहे. या ग्रामीण भागात संध्याकाळी 9 वाजण्याच्या येऊन जात असल्याचे काही ग्रामस्थांचे म्हणणे आहे. विशेष म्हणजे या बिबट्यानी या परिसरातील दोन कुत्री देखील खाल्ल्याचे आढळून आले आहे. तर ग्रामस्थांच्या म्हणण्या नुसार जवळपास 8 कुत्री बिबट्याने खाल्याचे म्हणणे आहे. या घटनेचे माहिती वन विभागाच्या अधिकार्‍यांना माहिती मिळाल्या नंतर, वन अधीकारी सोनवणे यांच्या आदेशा नुसार दिवस रात्र या परिसरात गस्तीचे काम सुरू आहे. या घटनेची माहिती मिळाल्या नंतर घटनास्थळी पोचल्या नंतर अधिकार्‍यांना बिबट्याच्या पायाचे ठसे दिसून आले आहे. तसेच कुत्री देखील खाल्याच्या घटनेला दुजोरा वन अधिकार्‍यांनी दिला आहे. त्या नुसार वन अधिकारी या परिरात ठिय्या मांडून असून बिबट्याचा शोध घेत आहे. या पूर्वी देखील तालुक्यातील कर्नाळा अभरण्यात देखील बिबट्या दिसून आल्याचे वृत्त होते. मात्र बिबटा आढळून आला नाही. त्या नंतर या घटनेमुळे पुन्हा बिबट्याची दहशत निर्माण झाली आहे. तरी वनविभागाने अधिक कुमक मागवून बिबट्याला जेरबंद करावे अशी ग्रामस्थांची मागणी आहे. बिबट्याच्या दहशतीमुळे महिलावर्ग तसेच ज्येष्ठ नागरिक, लहान मुलांना जंगलाच्या दिशेने जाण्यास मज्जाव करण्यात आला आहे.
चौकट
बिबट्या अद्याप आम्हाला दिसून आला नाही : सोनवणेवनपरिक्षेत्र अधिकारी पनवेल
तालुक्यातील भोकरपाडा गावात बिबट्या दिसून आल्याचे म्हणणे आहे. त्या नुसार आमचा तपास सुरू आहे. मात्र अद्याप आम्हाला बिबटया दिसून आला नाही. मात्र बिबट्याचे ठसे दिसून आले आहे. त्या नुसार शोध सुरू आहे.
